Reklam
Vakıf Katılım
Tarih : 2020-04-13 14:29:00

Yaponiyanın Hokkaydo prefekturasında və Sapporo şəhərində yenidən fövqəladə vəziyyət elan olunub

Yaponiyanın Hokkaydo prefekturasının qubernatoru və Sapporo şəhərinin meri koronavirusa yoluxanların sayının yenidən artması ilə əlaqədar aprelin 13-dən fövqəladə vəziyyətin tətbiqi barədə razılığa gəliblər.

Frame.az xəbər verir ki, bu barədə razılaşma qubernator Suzuki Naomiçi ilə mer Akimoto Katsuhironun görüşü zamanı əldə edilib.

Görüşdə S.Naomiçi bildirib ki, son beş gündə prefekturada koronavirusa yoluxanların sayı ikirəqəmli həddə çatıb. Ola bilər ki, prefekturada infeksiyanın ikinci dalğası başlanıb.

Xatırladaq ki, Yaponiyada ilk olaraq Hokkaydo prefekturasında elan edilən və üç həftə davam edən fövqəladə vəziyyət martın 19-da dayandırılıb. Fövqəladə vəziyyətin növbəti dəfə tətbiq edilməsi, Sapporoda və ətraf ərazilərdə ibtidai, orta natamam və orta məktəblərin mayın 6-dək bağlanmasını nəzərdə tutur. Sapporodakı ictimai obyektlərin də həmin müddətə bağlanacağı bildirilir.

Bundan əlavə, prefekturanın və şəhərin səhiyyə sisteminin fəaliyyətinin gücləndirilməsi, həmçinin mərkəzi hökumətdən yerli biznesə yardım göstərilməsinin xahiş olunması nəzərdə tutulur.

Hibya Xəbər Agentliyi

© Copyright 2024 haberebakhabere.com Tüm Hakları Saklıdır.
Web sitemiz Hibya Haber Ajansı Abonesidir.